立即查詢 WhatsAppFacebook電話查詢
樓宇資訊Property Info
首頁 › 樓宇資訊 › 內容

【上車買樓預算】首期以外還有印花稅、雜費 一圖睇明不同樓價開支及月供

2020-03-04 ・ 樓宇資訊 ・ 54 次瀏覽



個個都想買樓,但香港樓價長期處於世界之最,報紙新聞又話要不吃不喝20年先至買到樓,20年後儲夠錢啲樓又唔知升左幾多倍喇!究竟買樓前要有幾多預算先好諗上車?儲夠100萬做首期夠唔夠?印花稅、律師費、佣金等雜費又要預幾多錢?就算申請9成按揭,都要計清楚先。文末更有圖表一眼睇晒不同樓價的各項開支、壓力測試入息及支出。
撰文:經一編輯部 |圖片:Unsplash、新傳媒資料室

普遍人買樓都會向銀行申請按揭,現時800萬以下物業只需要俾一成首期,餘額最盡攤30年還。所以用20年儲錢再Fullpay買樓並不現實,只係比較世界各地樓價同當地入息時,可以簡化同直接啲咁解。究竟有冇能力買樓?睇三個數:

1. 買樓前睇睇有幾多儲蓄
上車除咗要預首期之外,亦要繳付印花稅、律師費、代理佣金,加埋大概是樓價兩成。例如400萬樓價,首期40萬、印花稅9萬、律師費數千至一萬、1%代理佣金4萬、若需廚、廁、全屋裝修、電器的話更要預20至30萬,加加埋埋未搬入屋就已經要俾約80萬架喇!

印花稅
首次置業人士已獲豁免15%從價印花稅(Ad Valorem Stamp Duty / AVD),但仍要繳付第二標準印花稅率(即舊稅率),按樓價計算,樓價愈高,印花稅就愈高。以400萬樓計算,印花稅為9萬元;若然是500萬樓,印花稅則跳升至樓價的3%,即15萬元!而印花稅需在簽署臨時買賣合約後的30日內繳交,即是在正式交收物業前便要支付。

延伸閱讀:聯名物業點算?自製首置名額 甩名慳稅70萬元

律師費
買賣物業要請律師處理銀行的按揭文件、樓契、轉讓契等,而律師費會因應樓宇新舊及呎數而有所不同。加上律師會到土地註冊處進行屋契註冊,費用同樣計算入律師費。故此一般律師費開支大約由3,000至10,000元不等。

代理佣金
代理佣金,又即經紀佣金,大家若然通過地產經紀或代理進行物業買賣,通常成交時買賣雙方都需付樓價的1%作代理佣金,但此金額並無法例規定,有時是「海鮮價」,甚至有代理會為促成交易而免收買家佣金。

2. 要幾多收入先好諗上車?
申請按揭需要經過壓力測試,以防加息後業主負擔不起供款。如供款佔月入大概三份一,就應該過到壓測。如400萬樓價,借9成按揭連按揭保險分30年還款,現時大部分銀行實際利率2.5%,月供為14,842元,單人月入38,781元或者兩口子各自搵2萬蚊就可以通過壓力測試,每月供款佔月入大概4成!

3. 要減少個人開支?
有啲人雖然過到壓力測試,但係洗費開支大,每月供款或會感到吃力。例如月入15萬夫妻零儲蓄之個案俯拾皆是,買樓之後要減少部份不必要開支,例如真係去少幾次日本、冇得養車、老婆冇得做家庭主婦、小朋友冇得報咁多課外活動…慳住過生活你同另一半又想唔想呢?

原文

WhatsApp 查詢

相關文章

2020-06-17

商廈租金勢數難逃 料中環甲廈最傷

環球封關,跨國企業暫緩擴充甚至收縮,商廈空置率料持續向上,各區商廈租金難免調整至年尾。 中區甲廈空置率升至5.05%,2013年10月後最高 跨國企業進一步收縮,反之棄租、頂租等上升 各區商廈租金下跌,料中環最傷 整體商

閱讀全文 →
2020-06-09

換樓退稅按年跌45% 實情是?

早前稅務局的公布2019至2020年度首11個只錄得418宗退稅申請,較上一個財政年度大幅減少,看似換樓客入市個案減少,但實情是現時市場更傾向透過內部轉讓自製首置慳稅,增加靈活性。 2019至2020財政年度首11個月只

閱讀全文 →
2020-05-27

【財經教室】甚麼是銀主盤?

銀主盤指一個物業單位在業主沒有錢繼續供樓的情況下,銀行根據按揭條款及《物業轉易及財產條例》規定,向法庭申請沒收。該物業單位再在市面出售時,就會稱之為銀主盤。一般來說,銀行就是銀主,樓盤就被視為銀主盤,不過有時候銀主未必是

閱讀全文 →
2020-04-06

環聯:分段恢復香港網上信貸報告等服務

載有500多萬名市民信貸紀錄的香港環聯資訊,2018年底被揭索取信貸報告的程序懷疑出現保安漏洞,其網上個人信貸報告查詢服務遲遲仍未恢復。環聯周一(6日)宣布,經過全面檢查及加強網上保安後,現正分段恢復因保安理由而暫停的香

閱讀全文 →

← 返回樓宇資訊